अराैराकाेट
निग्लिहवाको १ किलोमिटर पुर्व र कपिलबस्तु जिल्लाको सदरमुकाम तौलिहवाबाट १० किलोमिटर उत्तर पूर्वमा अवस्थित कनकमुनी बुद्धको नगरीलाई अरौराकोट नामले चिन्ने गरिन्छ । यसै ठाउँमा कनकमुनी बुद्धले आफ्नो बालापन साथै विवाहित जीवन व्यतित गरे । आयाताकार स्वरुपमा रहेको यस क्षेत्रमा प्राचीनकालीन भग्नावषेशहरु रहेको देख्न सकिन्छ ।
पुरातत्वविद टि.एन.मिश्रले सन १९७७ मा गरेको उत्खननबाट अरौराकाकोटलाई ध्वस्त शहरको रुपमा व्याख्या गरे । साथै यीनले निग्लिहवा स्थित रहेको अशोक स्तम्भको मुल स्थान पत्ता लगाउन अरौराकोट लगायत यस क्षेत्र वरपर उत्खनन गर्न सिफारिस गरे । उत्खनन भने अझैसम्म पनि हुन सकेको छैन ।
नेपाल र ईटालीका पुरातत्वविदहरुको संयुक्त टोलीेले सन् १९९६—१९९७ मा गरेको अनुसन्धानले यस क्षेत्रमा ९ पुरातात्विक क्षेत्रहरु पहिचान गरेको छ ।
सन् २०१५ मा संयुक्त अधिराज्य बेलायतको जाफिट परियोजना अन्र्तगत युनेस्कोले लुम्बिनी विकास कोष,पुरातत्व विभाग,युरोपको डुर्हम विश्वविद्यालय लगायतका टोलीहरुको नेतृत्व गर्दै संयुक्त भौगोलिक सर्वेक्षण गर्दै विशाल संरचनात्मक खण्डहर खोल्यो ।
No comments:
Post a Comment